Áfram í innihald
Athugið, netverslunin er enn í vinnslu og á eftir að setja inn mikið af vörum og snyrta allt til. Erum á fullu að vinna í þessu og náum þessu innan skamms.
Athugið, netverslunin er enn í vinnslu og á eftir að setja inn mikið af vörum.

Kvenfata Saumanámskeið

Kvenfata Saumanámskeið fyrir fólk á öllum aldri!

Aðeins eru 6-10 þátttakendur á námskeiði. Þátttakendur sauma sér flík að eigin vali, og unnið er með efni úr Saumu, en þátttakendur fá 30% afslátt af efniskaupum.
Saumanámskeiðin verða haldin í haust og vetur Saumu að Hátúni 12, 105 Reykjavík.
Þetta eru kvöldnámskeið 4 kvöld, einu sinni í viku frá kl. 18-21.

Mars -UPPSELT-:
Þriðjudagskvöld: 2.9.16.23. mars 2021, -UPPSELT 
Apríl - UPPSELT
Þriðjudagskvöld: 6, 13, 20, 27 apríl 2021. -UPPSELT-
Miðvikudagskvöld: 7, 14, 21, 28 apríl 2021. -UPPSELT-
Maí:
Þriðjudagskvöld: 4, 11, 18, 25 maí 2021. -UPPSELT- En biðlistar.
Miðvikudagskvöld: 5, 12, 19, 26 maí 2021. Skráning stendur yfir.
Júní:
Þriðjudagskvöld: 1, 8, 15, 22 júní 2021. Skráning stendur yfir.

Leiðbeinandi á námskeiðinu er Helga Rún Pálsdóttir klæðskerameistari og fatahönnuður, leikmynda-og búningahöfundur og hattahönnuður. Helga Rún er með mikla reynslu í saumaskap og sniðagerð og hönnun, og er meðal annars formaður sveinsprófnefndar í klæðskurði.

Námskeiðið er 12 klukkustundir og kostar 25.000. kr. ATH. hægt er að sækja um styrk til stéttarfélaga vegna námskeiðsins.

Staðfestingargjald 8.000. kr. þarf að greiða í síðasta lagi viku fyrir námskeiðið til að tryggja sér pláss, inn á reikning 0117-26-25052, kt. 570889-1259, restin af námskeiðsgjaldinu er svo greitt áður en námskeiðið byrjar.
Frekari upplýsingar veita Sveinn 892-1170 og Helga 664-1271 eða á netfanginu sveinndal@sauma.is,

Á námskeiðinu saumar hver sér flík að eigin vali, og farið er í gegnum það helsta sem að þarf að hafa í huga þegar flík er saumuð.

Sniðagerð:
Máltaka er kennd, hvernig á að taka upp snið úr sniðablöðum, hvernig taka á upp snið af annarri flík, efnisnotkun, hvernig leggja á snið á efni og klippa það.

Unnið er með efni úr Saumu, og eru einnig ýmis snið á staðnum ásamt sýnishornum af þeim flíkum.

Samsetning:
Verkröðun við að setja saman flík, frágangur og ýmisleg atriði svo sem rennilásaísetning, saumför, faldur og hálsmál.

Saumavélar:
Farið er í það helsta um saumavélar og stillingar og hvenær hvert spor er notað og mismunandi nálar.

Stuttlega verður farið í það hvað klæðir best og hvað skal varast í sniðum, og efnisval.

Það sem að þarf að hafa með sér, eru helstu verkfæri til sauma, saumavél, skæri, títuprjónar, málband og svo framvegis.

En Sauma er með flest allt til sölu á staðnum svo sem efni, sniðapappír, nálar, tvinna, rennilása og tölur og margt fleira.

Í ljósi þessara skrítnu tíma minnum við á að við erum með spritt og einnota hanska á staðnum og sótthreinsum borð og á höld fyrir og eftir hvert kvöld, og höldum okkur við 2 metra regluna góðu.